Դուռդ պինդ փակիր
Եթե սոցցանցի միջոցով անհայտ օգտատերերը ձեզ նամակ են գրում` փորձելով հայտնել շատ կարևոր մի տեղեկություն, նաև պատասխանել «Ո՞րն է կյանքի իմաստը», «Ինչո՞ւ է Աստված թույլատրում տառապել», «Ինչպե՞ս կարելի է հասնել իսկական երջանկության» և այլ հարցերի, ուրեմն ձեր բախտը չի բերել… Էլ չասենք, որ իրենց իսկ վկայությամբ` նամակագիրներն առանձնաշնորհ ունեն մասնակցելու մի գործի, որ կատարվում է կարևոր անձանց կողմից 236-ից ավելի երկրներում: Իսկ սույն գործն էլ անում են՝ մղված մարդկանց նկատմամբ ունեցած անկեղծ հետաքրքրվածությունից:
Խոսքը ո´չ սոցհարցումի մասին է, ո´չ էլ` «զահլա» տանող «սպամների»: Պարզապես ձեր ճանապարհը կտրող, ձեր դուռը թակող Եհովայի վկաները հիմա էլ ներխուժել են վիրտուալ տարածք: Հետաքրքիր է՝ ինչպե՞ս են ընտրում հասցեատերերին. հավանաբար ֆեյսբուքյան գրառումներն են հուշում, թե ովքեր են գլուխ ջարդում կյանքի իմաստի, իսկական երջանկության, պատասխան չունեցող հարևնման հարցերի վրա: Հետևություն. սպամներից, ֆեյքերից, վկաներից, ժամանակի աղմուկից պաշտպանվելու համար պինդ փակիր դուռդ թե´ տանը, թե´ դրսում (համացանցում):
Արմինե ՍԱՐԳՍՅԱՆ
Արմինե Սարգսյան diana arian 